2015鄧麗君誕生62週年 - 馮添枝憶鄧麗君
馮添枝助鄧麗君打造島國情歌
馮添枝出席紀念鄧麗君62歲冥壽聚會，回憶與一代歌后合作的經歷，有幸為她挑選《月亮代表我的心》這首金曲。
國際唱片業協會香港會總裁馮添枝、區瑞強
出席已故鄧麗君的62歲生忌活動，紀念鄧麗君62歲冥壽聚會，
他表示是以寶麗多（後改名為寶麗金）唱片監製的身份前來，
又謂看到1974年鄧麗君唱片的封面有很大感觸：
「當年我哋係親自去日本影嘅，好多回憶！」
他提到鄧麗君1974年加盟寶麗多唱片公司時，
自己亦有參與為她創造島國之情歌唱片集：
「我同佢做咗兩集，到第三集就交咗畀另一個同事負責，
呢個島國情歌都為鄧小姐帶嚟一個新嘅里程碑！
而佢最鋒芒嘅時期就係《淡淡幽情》。」
馮添枝大讚鄧麗君很專業 練好歌先入錄音室
廣東話:問與鄧麗君之間的難忘事？
他說：「佢有好多嘢令我讚賞、激賞，
我第一次喺錄音室同佢監製，發覺到差唔多我係唔使點指導佢，
佢好有個人風格，
同埋差唔多一口氣就可以唱晒成首歌，好專業，練好歌先嚟，
所以用嘅時間唔長，大概一個鐘內就錄起！」
國語:
馮添枝指鄧麗君甚有個人風格。
馮添枝當年是鄧麗君首張唱片的監製，
她首次入錄音室時，不需要提點，甚有個人風格，
所以正式錄音，一口氣錄完那些歌，很專業的，
錄音前已將所有歌練好，
1小時就錄完1首，很快收工。
日本製作提高水平
另外，他又提到島國之情歌的特色是在日本製作，
提升了國語及粵語歌曲的質素到日本水平，
並有異於香港當時的編曲和錄音技術，
直至1977年之後才開始在香港製作：
「由第四集開始就有香港嘅編曲，《月亮代表我的心》就係我親自揀畀佢！」
問會否為鄧麗君舉行其他紀念活動？
他說：「要搞嘅就應該要問番環球唱片嘅Duncan好啲，
另外TNT唱片公司都專職負責鄧麗君小姐後期嘅嘢。」
歌迷、音樂人一同出席紀念鄧麗君62歲冥壽聚會。
國際唱片業協會香港會總裁馮添枝細說與鄧麗君合作的經過
近距離聽鄧麗君清唱 區瑞強：好震撼
在已故歌后鄧麗君(Teresa)生忌活動中，
區瑞強指與鄧麗君認識多年，
他表示與鄧麗君是朋友，自己入行時她就剛從日本回來：
「大概係喺七十年代尾，我有幸同佢同一間唱片公司寶麗多（後改名為寶麗金），
嗰時我同張國榮一齊出第一首歌，
但係放喺雜錦碟出，好多謝我哋大師兄許冠傑，大師姐就係鄧麗君。」
回想1974年加盟寶麗多唱片時，他與鄧麗君、張國榮、許冠傑等曾推出雜錦碟，
Albert話當年有不少分紅。
廣東話:後來Albert與鄧麗君變得熟絡，
最主要是因為他之後到了電台做DJ：
「因為有約佢做專訪呀，再者係有啲重要演出都會搵佢，
所以我哋又係同事、朋友、DJ同歌手嘅關係。」
他更謂：「我夠膽講我係播佢歌最多嘅人！
唔係因為熟咁簡單，而係我好鍾意佢把聲，係可以感染所有嘅中國人，
我每日都會播佢嘅歌，同埋佢歌種又多，連日文、英文都有，
所以變咗我節目嘅台柱！」
他說：「我好喜歡她的聲音，她的聲音能感動全球中國人，
每日我都要播一首鄧麗君的歌，沒有播的話，感覺不舒服。」
問到與鄧麗君的難忘回憶時，
Albert表示雖然與對方是同事和朋友，但另一方面亦當她是自己的半個偶像：
「我好近咁聽佢清唱，係好震撼！嗰種聲音唔係聽唱片可以感受到，
同埋佢平時講嘢係好溫柔，把聲好靚，
所以無論佢唱歌同講嘢大家都好鍾意！
仲有見到佢就好開心，佢好隨和，咩都講！」
國語:區瑞強用同事、半個偶像和朋友來形容跟鄧麗君的關係，
他和鄧麗君同一間唱片公司，鄧麗君是大師姐。
他透露當年做早晨電台節目， 鄧麗君是節目台柱，
他播鄧麗君的歌最多，幾乎每日1首，
不是因為他和鄧麗君熟，而是她有太多好歌，
英文、日文、國語和粵語歌都有。
區瑞強說：「鄧麗君為人隨和，說話溫柔嬌嗲，聲音很靚，
很乾淨、舒服，細如絲， 軟如綿，
任何人都不抗拒和她做朋友，清唱很有震撼性。」
區瑞強
新聞來源:2015/01/30 / on.cc東網專訊
新聞網址:http://m.on.cc/nc/ent/20150129/20150129211011en.html
新聞來源:2015/01/30 17:44/ 星島日報
新聞網址:http://std.stheadline.com/breakingnews/20150130f174453.asp
攝影:莫慶輝
新聞來源:2015/01/30/ 星島日報>香港奇摩新聞
新聞網址:https://hk.news.yahoo.com/albert唔播鄧麗君唔舒服-095200697.html
新聞來源:2015/01/30/ on.cc東網專訊
新聞網址:http://m.on.cc/nc/ent/20150129/20150129220048en.html
新聞來源:2015/01/31 / 明報通識網
新聞網址:http://life.mingpao.com/cfm/dailynews3.cfm?File=20150131/nalmb/mbk1.txt
攝影:柯美
新聞來源:2015/01/31 00:15 / 成報網
新聞網址:http://www.singpao.com/yl/mx/201501/t20150131_546979.html
新聞來源:2015/01/30 11:57 / 星島電視
新聞網址:http://www.singtao.tv/main/entertainment/popnews/%E7%B2%B5%E9%84%A7%E9%BA%97%E5%90%9B%E7%94%9F%E5%BF%8C%E8%81%9A%E6%9C%83-albert%E6%87%B7%E5%BF%B5%E6%92%AD%E5%A5%B9%E7%9A%84%E6%AD%8C/
留言列表
